अनीता कुमारी भोजपुरी भाषा में एक देवी गीत सुना रही हैं:
निमिया के डाढ़ी मईया डालेली असनवा की झुमी झुमी न-
मइया झुलेली झुलनवा की झुमी झुमी ना-
सातो रे बहिनिया के भैरो हवे भईया-
आदि शक्ति देवी के अनेक बाटे नईया-
जेकरा सहारा नइखे राखेली शरनवां की झुमी झुमी ना-
कामरुप कमख्याय कलकत्ता वाली काली-
मइहर में शारदा विन्धयाचल विन्धवाली-
कश्मीर में वैष्णो देवी जानेली जहनवाँ की झुमी झुमी ना-
भक्त करे दर्शनवा की झुमी झुमी ना...

ग्राम-मालीघाट,जिला-मुजफ्फरपुर, बिहार से अनीता कुमारी बिहार में पंचायत चुनाव में महिलाओं की सशक्त भागीदारी की उम्मीद में एक गीत प्रस्तुत कर रही हैं:
आइल पंचायत के चुनउआ हे सखी गावा ना गीतिया-
गीतिया में तोहूं बता द इ बतिया पंचायत में औरत के का बाटे नीतिया-
आरक्षण के मतलब बता द हे सखी गावा न गीतिया-
गउआं के महिला काहें बाड़ी पीछे पंचायत में ओनका के केहू नाहीं पूछे-
अरे महिला समाज के जगावा हे सखी गावा ना गीतिया...

‘गाँव-जवार’ सांस्कृतिक संगठन, मुजफ्फरपुर, बिहार से अनीता कुमारी “स्वच्छता अभियान” पर एक गीत प्रस्तुत कर रही हैं:
चला हो काका चला हो भइया, हाथ से हाथ मिलाइके-
दुनिया जाने तू भी जान, महिमा साफ़-सफाई के-
तन से स्वस्थ रहे त मनवा मोर मयूर सा नाचेला-
जीवन से भागे अंधियारा जगमग ज्योति जलावेला-
रोग-ब्याध सब दूर रहेला, बचबू जग के हंसाई से-
दुनिया जाने तू भी जान, महिमा साफ़-सफाई के-
डायरिया-मलेरिया-पेचिस के भूत ना आई जानिके-
आस-पास के मिलिके बनावा साफ़-सफाई पानी के-
महकी जीवन की बगिया भी मूल्य जो जनबू सफाई के-
दुनिया जाने तू भी जान, महिमा साफ़-सफाई के...