वन्दना पाटिल छत्तीसगढ़ से स्वास्थ्य कार्यकर्ता मितानिन और दाई के कर्म-कौशल के सन्दर्भ एक छत्तीसगढ़ी गीत प्रस्तुत कर रही हैं :
गांव-शहर और गली- कोर मा शोर हो गए ना मितानिन शोर हो गए हो-
तोर दिए दवाई-गोली मा मितानिन, गांव अजोर हो गए ना-
गर्भवती घर जाथस मितानिन, खान-पान गुठियाथस वो-
गर्भवती घर जाथस मितानिन, सुख-दुःख ला गुठियाथस वो-
पंजीयन करवाके मितानिन, टीका-तेल लगवाथस वो-
तोर इही सेवा में मितानिन, गांव विभोर हो गए हो-
शिशुवती घर जाथस मितानिन, खान-पान समझाथस वो-
लइका मन के वजन कराके, कुपोषण ला दूर भगाथस वो-
तोर इही सेवा में मितानिन, गांव विभोर हो गए ना-
तोर दिए दवाई-गोली मा मितानिन गांव अंजोर हो गए ना...