ये भुइंहा हे सरग बरोबर, चंदन कस जेकर माटी हे: छत्तीसगढ़ी भाषा में गीत...
नवा रायपुर छत्तीसगढ़ ले राजेंद्र कोरेटी हा छत्तीसगढ़ी भाषा मा गीत सुनात हे, ये गीत छत्तीसगढ़ अंचल के प्राकृतिक धरोहर मा आधारित हे:
ये भुइंहा हे सरग बरोबर-
चंदन कस जेकर माटी हे-
जंगल झाड़ी परवत नदिया-
सब ह हमर थाती हे-
हरियर हरियर लुगरा पहिने-
छत्तीसगढ़ महतारी हे-
खेत खार अऊ देवी देवता-
हमर ये संगवारी हे-
महानदी पैरी अऊ सोढू-
अमरित कस जेकर पानी हे-
तीन लोक में महिमा जेकर-
गुरतुर हमर बानी हे-
सुघ्घर बाग बगीचा जइसे-
खेत के हमर कियारी हे-
धान पान अऊ साग भाजी के-
सुंदर लगे फूलवारी हे-
दया मया के थरहा जागे-
अइसन भांटा बारी हे-
ये माटी ल माथ नवांवव-
एकर महिमा भारी हे...