मुनिया के माई ललमुनिया के माई...कोयला मज़दूर लोकगीत
मुनिया के माई ललमुनिया के माई
हम कोईलरीया में जाईब रे ललमुनिया के माई !
जो तेहूँ कोइलरिया में जईबे
करिया बदन होई जइहें रे भकभेलारा के भाई !
करिया बदन खुबे पईसा कमईहें
तोहरा के देईब नथिया गढ़ाइ रे ललमुनिया के माई !
जो तेहूँ कोइलरिया में जईबे
चलीजाइब हम नईहरवा रे भकभेलारा के भाई !
जो तेहूँ नईहर चलीजईबे
हमहूँ लेआईब सवतिया रे ललमुनिया के माई!